Krumkach - Крумкач

оныя ведаюць
Маю сьмерць

Мой цень зрабіўся мной
Мой цень забіў мяне

У ЛЮСТЭРКУ ЖЫЦЬЦЯ

У люстэрку жыцьця
Я бачу свой лёс
Я бачу свой твар
Які бясконца
Зьнікае і зноў з’яўляецца

Намаганьні душы
Бездапаможнага цела
Ня большыя за трымценьне павуціньня
Ня большыя за шэпт прывідаў

Але ўпарта
Руйную
Свой розум
Свою існасьць,
Непахіснасьць

У люстэрку жыцьця
Я бачу свой лёс
Я бачу свой твар
Які бясконца
Зьнікае і зноў з’яўляецца

ПАД ЗЯМЛЁЙ

Пад зямлёй
Пахавай мяне пад зямлёй
Мой дом
Пад зямлёй
Супакой
Мяне сваёй рукой
Цішыня
Павінна быць цішынёй
Маёй і тваёй

ВАР’ЯЦТВА МАЎЧАНЬНЯ

Вар’яцтва маўчаньня
А за сьцяной нехта танчыць
А за шклом льецца дождж

Ці гэта нехта кліча мяне
Ці гэта я клічу сябе
Вар’яцтва маўчаньня

Падыдзі
Гэта я там ляжу
На зямлі мая кроў
Льецца з тваіх вачэй

Ці гэта нехта кліча мяне
Ці гэта я клічу сябе
Вар’яцтва маўчаньня

Вар’яцтва маўчаньня
А за сьцяной нехта танчыць
А за шклом льецца дождж